የፋይናንስ እርዳታ ማመልከቻ ቅጽ መመሪያዎች

ይህ በ UW Medicine የፋይናንስ እርዳታ ማመልከቻ ነው (ደግሞ የበጎ አድራጎት እንክብካቤ ተብሎ ይታወቃል)። የዋሽንግተን ስቴት፣ ሁሉም ሐኪም ቤቶች የተወሰኑ የገቢ መስፈርቶችን ለሚያሟሉ ሰዎችና ቤተሰቦች የፋይናንስ እርዳታ እንዲያቀርቡ ያዛል። በቤተሰብዎ ብዛትና የገቢዎ መጠን መሰረት፣ የጤና የመድን ዋስትና ቢኖርዎ እንኳን፣ ለፋይናንስ እርዳታ ብቁ ሊሆኑ ይችላሉ። እርዳታ የሚሰጥዎት የፋይናንስ እርዳታ መመሪያዎችን ካሟሉ ነው፣ እሱም የቤተሰብዎ ገቢ ከፌደራል የድህነት መመዘኛ ደረጃ 300 በመቶ እኩል ወይም ከዚያ በታች መሆኑን ይጨምራል። ተጨማሪ መረጃ መጠየቅ ወይም በሚከተለው የፋይናንስ እርዳታ ድረገጻችን www.uwmedicine.org/financialassistance ወይም www.valleymed.org/financialassistance መመልከት ይችላሉ።

የፋይናንስ እርዳታ የሚሸፍነው ምንድን ነው? የሐኪም ቤት የፋይናንስ እርዳታ የሚሸፍነው በእርስዎ ብቁነት መሠረት በ UW Medicine ለሚሰጡ ተገቢ ለሆኑ የሐኪም ቤት-ውስጥ አገልግሎቶች ነው። የፋይናንስ እርዳታ፣ በሌላ ድርጅቶች የሚሰጡ አገልግሎቶችን ጨምሮ፣ ሁሉንም የጤና እንክብካቤ ወጪዎችን ላይሸፍን ይችላል።

ማመልከቻዎ ተፈጻሚ እንዲሆን ለማድረግ ያለብዎት ነገሮች፦

• ስለ ቤተሰብዎ አጠቃላይ ወርሐዊ ገቢ (ታክስ ከመከፈሉና ተቀናሽ (ዲዳክሽ) ከመደረጉ በፊት ያለውን ገቢ) መረጃ ይስጡን
• ስለ የቤተሰብዎ ገቢና ለሚያሳውቋቸው ንብረቶች ሰነዶችን ያቅርቡ
• አስፈላጊ ከሆነ ተጨማሪ መረጃ አያይዘው ያቅርቡ፣ ለምሳሌ፣ ለመረጃዎ ድጋፍ የሚሆኑ ደብዳቤዎችን ያቅርቡ
• ቅጹ ላይ ይፈርሙና ቀኑን ይጻፉ

ለእንግሊዘኛ የፋይናንስ/ገንዘብ ድጋፍ ማመልከቻ እና ደጋፊ ሰነዶች በአሁኑ ወቅት የእንክብካቤ አካባቢዎን መሰረት አድርገው ሰነዶችዎን ለማስገባት MyChartን (ከኤየርሊፍት ኖርዝዌስት በስተቀር) መጠቀም ይችላሉ። ሁሉንም ሌሎች ማመልከቻዎችን ለማስገባት በመልዕክት፣ ፋክስ ወይም በአካል ማስገባትዎን ይቀጥሉ። UW Medicine የእያንዳንዱን ታካሚ ሚስጥራዊነት እና የግል ማንነት ይጠብቃል። ለፋይናንስ/የገንዘብ ድጋፍ እንዲጤን የሚቀርብ የትኛውም መረጃ በጤና መድን ዋስትና ተዘዋዋሪነትና ተጠያቂነት ህግ/ Health Insurance Portability and Accountability Act (HIPAA) ስር ጥበቃ የሚደረግለት የጤና መረጃ ተደርጎ ይቆጠራል።

ማመልከቻዎን ለማንቀሳቀስ በህክምና መዝገብ ቁጥር/ Medical Record Number (MRN) ስር የተመዘገቡ ታካሚ መሆን አለብዎ: ለHarborview Medical Center፣ UW Medical Center - Montlake፣ UW Medical Center-Northwest፣ UW Physicians እና UW Medicine Primary Care ማመልከቻዎን ከመሙላትዎ በፊት ለመመዝገብ ለግንኙነት ማዕከል በስልክ ቁጥር 206.520.5000 ይደውሉ።